نكت تانية كتيــــــــــر تعالوا بسرعة ...

السلام عليكم ورحمة الله وبركاته

زى ما وعدتكم انى هاجيبلكم بائــــــــــــــى النكت بتاعت المرة اللى فاتت

وللعلم النكت من تجميعى يعنى من كل مكــــــــان بختار شوية نكت واجيبهم

يالا شوفوهم وقولوا رأيكم

• واحد أحول راح يجيب أبوه من المطار باس الشنطة وشال أبوه
.................................................. ............

• تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوه غمض عينك وعدى الشارع

.................................................. ............

• مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

.................................................. ............

مره واحد فك مفترس معرفش يربطه
.................................................. ............

قزم عطس..... راسه اتخبطت فى الارض

.................................................. ............

• سواق ماشى ع الطريق لقى واحدلابس احمر فى احمر شاور له فوقف السواق و قاله انت مين و عايز اية قالة انا الفرفورالاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفرفى اصفر و بيشاورلة فوقف و قالة انت مين و عايز اية قالة انا الفرفور الاصفر وعايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شوية كمان كدة و لقى واحد لابس ابيض فى ابيض بيشاورلة ف السواق وقف

و قالة يا ترى انت بقى الفرفور الابيض فقالة الراجل فرفور اية رخصك يا روح امك

.................................................. ............

• اتنين مساطيل حبوا يسرقواعماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزئوا فى العمارة يزئوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

.................................................. ............

• محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

.................................................. ............

واحد ندل فتح مصنع بيبسي كتب على كل علبة : رج جيدا قبل الفتح

.................................................. ............

• بلديات فتح محل انابيب غاز .. فجّراسطوانتين فى وسط البلد .. دعاية

.................................................. ............

• واحد بيقول لصاحبه ... الحق الثعبان دخل غرفة حماتك ... قاله: سيبه يستاهل

.................................................. ............

• ثعبان نظره ضعيف حب واحده..... طلعت خرطوم

.................................................. ............

• بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسألوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

.................................................. ............

• واحد ومراته متخانئين فبطلوا يكلموا بعض فكتب ورقة صحيني الساعه 6:30 علشان عندي شغل ،وحط الورق على السرير ونام وصحي الساعة 10:00 فلقى ورقه مكتوب عليها الساعه 6:30 يلا اصحى

.................................................. ............

رجل نساى اوى راح للحج وعند رمى الجمارات سال نفسه انا رميت اتنين ولا تلاته فأعاد رميهم مره تانية

ثم ذهب للطواف فسال نفسه مره تانية انا لفيت سته وله سبعه فاعاد الطواف
ولما جه ينزل من الطائره سال نفسه نسيت ايه يا جورج.............................................. .... ............

.................................................. ............

في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يااستاذ
الاستاذ: عد يا ابني انت متعرفش حاجه في الحساب
التلميذ: انت اللي متعرفش ابويا

.................................................. ............

واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة تانية رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.

.................................................. ............

واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
ابعد ...أناخأنزل لوحدي

.................................................. ............

مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين
.................................................. ............

اتنين مساطيل قاعدين يحششو في المقابر ومرت جنازة فواحد بيقول للتاني هي جنازة
مين دي يا محمد؟ فرد علية دي جنازة الشيخ محروس فقال الاولاني لا حول ولا قوة الا بالله
وتاني يوم وهما قاعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس فقال الاولاني لا حول ولا قوة الا بالله

وتالت يوم وهما قاعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية

.................................................. ............

البوليس عمل كبسة على شوية شمامين و لفت نظره ان فيهم عيل صغير اوى واخد ركن
لواحده وعمال يشم, فقام مقرب منه و سأله: و الشمام الصغير اسمه ايه؟
قام الواد ردعليه و قاله : كنتلوب يا باشا.

.................................................. ............

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية
ميه رميته بيها الاسد طلع يجرى رد عليه واحد من اللى قاعدين قاله صح انا قابلت
نفس الاسدضربته بالقلم ايدى اتبلت

.................................................. ............

قردين واحد حظه حلو و التانى حظه وحش قاعدين مع بعض فى الغابه وجعانين أوى
فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد بيقول
تعالى نروح ناكل منها قاله ماشى..لما وصلوا فاللى حظه حلو قال للى حظه وحش
استنا انت هنا انا هاطلع اهزلك الشجره من فوق وانت لم الموز ماشى , قاله ماشى و طلع
هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه
راح ماسكه رازعه حتة علقه وهربوا ,,جم تانى يوم هايموتوا من الجوع قالوا
مابدهاش بئا راحوا وطلع اللى حظه حلو فوق وهز الشجره واللى حظه وحش تحت مسك اول
موزه جهصاحب المزرعه راح ماسكه مبهدله وهربوا جه تالت يوم قاعين موحوحين قالوا
ياروح مابعدك روح راحوا عالشجره فالمره دى اللى حظه وحش قال للى حظه حلو استنا
انته نا انهارده وانا هاطلع فوق ماشى,ماشى وطلع فعلا وجه صاحب المزرعة هو
وابنه فابنه مسك اللى حظه حلو فابوه قاله لأ سيبه دانا ضربه يومين ورا بعض
هاتلى ابناللذين اللى فوق ده................
.................................................. ............

لكم منى كل الحب والود ... تحياتى